No ano 2000 entreguei ao Concelho de Ferrol uma obra para Orquestra de Cordas ─Tálamo e túmulo (Homenagem a Ricardo Carvalho Calero), de 34 minutos de duração─ que me fora encomendada pelo Concelheiro de Cultura Bonifácio Borreiros para celebrar o décimo aniversário da morte do polígrafo ferrolão. Foi apresentada aos meios e anunciada a estreia mas, por uma trafulhice interna no seu partido político, poucos dias depois foi substituído no cargo e os seus sucessores estenderam um manto de silêncio sobre todo o lavor cultural realizado por Bonifácio Borreiros.
Sei que Luís Mera Naveiras praticou algumas diligências para resgatar a obra da gaveta do esquecimento, mas sem qualquer resultado positivo. Não sei se o “controvertido Carvalho Calero”, como se menciona na coluna do Diário de Ferrol, teve algo a ver no conluio político. O certo é que esse foi o primeiro ano em que lhe foi negado o Dia das letras galegas ao ilustre Doutor, e assim durante vinte anos até acertar no ano mais calamitoso possível para simular que se honra ao infamado. São reticências póstumas de uma mente preclara “porque talvez o sermos não é sermos, / senão não querer sermos como somos, / e aquilo que não somos querer ser”.
Tálamo e túmulo (Homenagem a Ricardo Carvalho Calero) inspira-se em quatro poemas de Reticências. ‘Mulher de doce sal e neve mole’ para o primeiro andamento; ‘Aqui me tês, querida, esperando a Godot’ para o segundo andamento; ‘Ainda que vivim pouco, muito sonhei’ para o terceiro; e o título geral da obra é o penúltimo verso de ‘Uma coroa de violetas’. No texto de Bonifácio Borreiros a ordem dos andamentos está alterada. A obra saiu da gaveta para celebrar o que acabou sendo o não-Dia das letras galegas de 2020. Afinal, a estreia será “rito nupcial ou funeral, / boda ou sepélio. / Tálamo ou túmulo de uma divindade / no verde prado o teu vulto fragrante.”
Apêndice:
Música para o mestre
Bonifacio Borreiros (*)
Ricardo Carballo Calero (Ferrol 1910-Santiago 1990), estaría probablemente satisfeito si poidera comprobar cómo, ¡por fin!, os seus poemas póñense en SOLFA. Gustóume e interesóume a comprensión intelectual que tivo o xoven músico galego Rudesindo Soutelo cando lle encargo, dende a Concellería de Cultura, unha obra musical sobre o controvertido Carballo Calero-Carvalho Calero, neste o seu “90º Aniversario do nacemento e o 10º da súa morte”. Non vacilei antes de resolverme a convidar a Rudesindo Soutelo (compositor e editor de música, Tui 1952), a compoñer e harmonizar sons para Carballo Calero; teño que confesar que sendo él un galeguista-lusista e eu un socialista-galeguista, temos iniciado unha relación cultural-musical nada aprensiva. Foi totalmente aberta. Foi e é tan local como universalista. Dentro deste panorama, concidiamos en dirixir a vista cara o seu poemario “Reticencias”, libro póstumo da súa morte o 25 de marzo de 1990. Creo que tan imbricada actitud é un resaibo da situación que vivíu o país e específicamente Carballo Calero e toda a súa xeración ó longo dos anos de franquismo, nós tamén. Falo de xeracións máis xóvenes. Digo Rudesindo Soutelo, eu mesmo e tantos homes e mulleres que viviron-sufriron a tendencia totalitaria daqueles que se alzaron contra a República, aqueles que “intentaron configurar y orientar la cultura española entera hacia actitudes integristas reaccionarias”..“que bloqueaban toda manifestación moderna”, dí o escritor Francisco Ayala no su libro Palabras y Letras. Rudesindo Soutelo e a Concellería de Cultura do Concello ofrecerán ós galegos a partitura “Tálamo e Túmulo. Homenaxe a Carvalho Calero”, como unha visión introspectiva á vida e obra do escritor ferrolán, basada no seu mellor poemario segundo afirma José-Martinho Santalha. “A situaçióm vital do autor, situado na doença, perante a perspectiva de um provável fim próximo, infunde unha forte autenticidade á súa voz”. “Os temas da morte, do sentido da vida, do valor do passado, do mistério do além, están constantemente presentes, com un fumdo estoicismo mitigado por umha moderada esperanza”. “Aquí me tes querida /esperando a Godot (…) /Aquí sobre esta ponte, /vendo fluir o río, /á intempérie, /nom estarás mui bem”. Matización e precisión requeriría, para comenzar a falar do concepto da partitura. Si podo encontrarme e amosarlles o primeiro movemento “Aquí me tes querida, esperando a Godot”. Hai que ver a cantidade de achegamentos e signos que caben á hora de traducir a palabra ó pentagrama!. O segundo e terceiro movemento, “Aínda que vivin pouco, muito soñei” e “Muller de doce sal e neve mole” relé o compositor con decisión -así o imaxino- o tema poético da muller en Carballo. Noutra orde de cousas, no puramente histórico, é interesante resaltar o compromiso desta Concellería cos creadores galegos: Rudesindo Soutelo, como compositor, e os músicos da Orquesta de Cámara de Galicia dirixida por Rogelio Groba Otero. A maneira de aproximarse a Carballo Calero á traveso da música acadouse. Esperamos con impaciencia o estreo, a interpretación e a sabedoría de facer música. O espírito do poeta Carballo Calero.
(*) Bonifacio Borreiros é concelleiro de Cultura.
(Publicado em Diario de Ferrol, Opinión, 24 de novembro de 2000)
